НОВА, ЦЕЛОСНО РЕКОНСТРУИРАНА СПОРТСКА САЛА ВО ООУ „СТРАШО ПИНЏУР“ – КАРБИНЦИ

Денес со особена радост и гордост ја пуштивме во употреба целосно реконструираната спортска сала во ООУ „Страшо Пинџур“ – Карбинци, во присуство на министерката за образование и наука, проф. д-р Весна Јаневска.

Оваа значајна инвестиција носи подобри, побезбедни и современи услови за реализација на наставата по физичко и здравствено образование, спортски активности и развој на спортскиот дух кај нашите ученици.

Изразуваме искрена благодарност до Министерството за образование и наука и до министерката проф. д-р Весна Јаневска за вложувањето, посетата и поддршката за реконструкцијата на нашата спортска сала.

Новите спортски услови ќе бидат место каде што многу генерации ученици ќе растат, ќе се развиваат, ќе спортуваат, ќе се дружат и ќе ги градат вредностите на тимскиот дух, дисциплината и упорноста.

За нашите ученици – подобри услови, повеќе можности и посреќно училишно секојдневие.